Аз нахустин бунёнгузорони мактаби усули љадиди тољикї, Абдулќодир Шакурї (1875-1943м) аст. Вай дар оѓоз дар манзил худ ба тарзу усули ќадим мактабдорї мекард. Аммо ба далели сахтї ва душвории усули таълиму тарбияти ќадимї ва ошної бо рўзномаи туркии «Тарљумон» ва хондани маќолае дар ин рўзнома дар бораи мактаби усули нав ба фикри таъсиси чунин мактабе афтод. Вай њамчунин аз тариќи матбуот огоњ шуд, ки дар Истанбул маљаллае бо унвони «Тадрисоти ибтидоия» мунташир мешавад. Шакурї дар паи ошної бо ин маљалла ва мактаби усули љадиди Солењбек ба Туркия рафт ва пас аз бозгашт аз Истанбул дар раванди омўзишу парвариш таѓйироте эљод кард. Аз љумла ин ки омўзиши забони русиро љорї намуд ва усули љадидеро бунён нињод. Шоёни зикр аст, ки Абдулќодир Шакурї аз нахустин касоне буд, ки таълиму тарбияти писарон ва духтаронро дар як килос ба роњ андохт. Дар пайравї аз мактаби усули љадиди Шакурї дар шањри Самарќанд Муњаммад Нурмуњаммадзода дар рустои Булунѓур ва Љонбой, Ќорї Комил, њамчунин шогирдони собиќи ў шурўъ ба таъсиси макотиби усули љадид карданд.