Навиштани шеър ё ќувваозмої дар шеърнависї њамчун суннате байни мардуми тољик аст. Шоирони зиёде дар Њисор, Дарвоз, Рашт, Хатлон ва Бадахшон падид омадаанд, ки мутаассифона ба сабаби дур будан аз марокизи адабї то њол ба олами илму адабиёт маълум нестанд. Њарчанд бархе аќида доранд, ки садањои шонздањум то нуздањуми мелодї давраи хомўшии адабиёти форсии Мовароуннањр аст, ба раѓми онњо метавон гуфт, ки аз авохири садаи њаждањум то авоили садаи бистум беш аз 400 шоир дар майдони адабиёт ќувваозмої кардаанд. Бањрии Дарвозӣ аз зумраи ин шоирони номашњури тољик аст, ки дар китобњои «Намунаи адабиёти тољик», «Ганљи парешон» ва тазкирањои «Афзалу-т-тазкор» ва «Адибони Бадахшон» иттилооте дар бораи ў омадааст. Шеърњои бадастомдаи Бањрї, ки ѓолибан ба сабки хуросонї ва дар мазмуни ишќ падид омадаанд, бар табъи баланди ў гувоњї медињанд.